Најмалку пет мртви во торнадото во Чешка

Најмалку пет лица загинаа откако ретката појава на торнадо и обилните дождови предизвикаа хаос на југо-истокот на Чешка, соопштија денеска чешката полиција и службите за итни случаи, јави ДПА.

Во невремето, додава германската агенција, повредени се околу 200 лица, од кои 60 се сместени во болниците, наведуваат чешките власти.

Торнадото синоќа опустоши седум села во областа Јужна Моравија, притоа уништувајќи куќи и откорнувајќи покриви. Има мноштво искршени прозорци, а силните ветрови уништиле и автомобили.