Најмалку едно лице загина и 29 се повредени при напад врз полициски комплекс во Тајланд

Најмалку едно лице загина денеска во експлозија на бомба во полициски комплекс  во јужниот дел на Тајланд, изјави заменик полициски комесар во провинцијата Наративат, потполковникот Нити Суксан.

Во експлозијата повредени се 29 лица, а се стравува дека бројот на жртвите може да биде поголем.

– Тоа беше автомобил-бомба. Сè уште ја чистиме областа и бројот на повредени може да се зголеми, истакна потполковник Суксан.

Засега никој не презеде одговорноста за нападот.