Најмалку 18 повредени по превртување на авион на писта во Канада

Се истражува инцидентот на меѓународниот аеродром Пирсон во Торонто, Канада, кој се случил за време на слетувањето на авион на „Делта ерлајнс“ кој доаѓал од Минеаполис.

Сите 80 патници и членови на екипажот во авионот, кој летал од Минеаполис, ја преживеале несреќата, но се уште не е јасно како се превртел авионот.

…Reposted off Twitter. Sad. @Delta plane emergency at @TorontoPearson pic.twitter.com/0ls0xiLEKp

— Patrick Oyulu (@OyuluPatrick) February 17, 2025

Патниците, кои носеле појаси, останале да висат на седиштата.

Регионалната болница во Торонто Пил соопшти дека во инцидентот биле повредени 18 лица. Од нив едно дете и двајца возрасни биле тешко повредени.

Од полицијата велат дека се уште не знаат како дошло до несреќата.