На 27-ми ноември во Национална опера и балет во Скопје ќе се пеат најголемите хитови кои ги одбележаа златните времиња на популарната MTV. Камерниот оркестар на Битола најавува спектакуларен концерт „MTV 80’s & 90’s The Greatest Hits“ со кој ќе потсети на иконската музика која ја одбележа златната доба на MTV.
-Прекрасните звуци од најголемите хитови од 80-те и 90-те години ќе оживеат на сцената пренесувајќи ја магијата на тие времиња.
Со преку 100 учесници, присутните ќе имаат можност да уживаат во најголемите хитови на безвременските Тина Тарнер, Витни Хјустон, Мајкл Џексон, Шер, Аеросмит, Рики Мартин, Алана Мајлс, Чака Кан, Мадона и многу други.
Подгответе се за еден незаборавен музички спектал и патување низ времето кога музиката беше израз на револуција, култура и совршенство- истакнуваат од организацијата на настанот.
На концертот ќе учествуваат балетски играчи при Национална опера и балет, поп рок хор – Битвокс, Love Itoya, Агни Авшар, Ирена Димовска (Памперс), Александра Трајческа, Кики Плиш и многу други.
Цените на билетите се движат од 600 до 1.000 денари и се пуштени во продажба.
Вики Клинчарова