Најчевска: На пазар дознав дека сум член на Советот за реформи во правосудството

Професорката Мирјана Најчевска во вечерашното гостување на Топ тема рече дека членовите на Советот за реформи во правосудството се уште не знаат која е нивната улога, колкав е нивниот мандат или само се ангажирани за да одговорат на барањата на Владата и да ја соверуваат за одредени промени.

-На пазар дознав дека сум член на Советот за реформи во правосудтвото. После објавувањето, никој не не контактираше. Им пишав на сите одговорни да се закаже состанок и на крај се заканив дека ќе излезам во медиум дека името ми е ставено во Советот, а дека не се свикува состанок. После половина час беше закажан состанок, рече Најчевска.