Во текот на изминатиот ден во светот се регистрирани повеќе од 176.000 нови случаи на коронавирус, а вкупниот број заразени сега веќе надмина 10,5 милиони, соопшти Светската здравствена организација (СЗО).
Најголем број на дневни инфекции во светот беа регистрирани на 29 јуни, кога имаше 189.000.
СЗО, преку соопштение, наведува дека вчера, на 2 јуни, во светот биле потврдени нови 176.102 случаи и дека вкупниот број на заболени сега се зголемил на 10.533.779 лица.
Оттаму додаваат дека досега од Ковид-19 умреле 512.842 лица, пренесува Тасс.
Поголемиот дел од новите случаи се потврдени во Јужна и Северна Америка. Во текот на вчерашниот ден, таму се регистрирани 99.202 новозаразени лица, а умреле 3.022 лица.
Во Европа има 198.405 нови случаи, со што вкупно досега се зазразени 2.747.810, а вчера на Стариот континент умреле 531 лица, или вкупно досега 19.736.
Земјата со најмногу случаи на коронавирус се уште се САД, каде заразени се 2.616.949 лица, потоа следи Бразил со 1.402.041, Русија со 661.165 и Индија со 604.641 заразена.
