Над 1.000 родители потпишале изјава дека нема да ги вакцинираат децата со МРП вакцина

Од почетокот на епидемијата на морбили до сега, 1.100 родители потпишале изјава дека нема да дозволат нивните деца да примаат вакцина, информираат од  Државниот здравствен и санитарен инспекторат.

Овие родители ќе бидат повикани во ДСЗИ каде ќе може да платат казна од околу 500 евра, а ако не го сторат тоа ќе им бидат поднесени прекршочни пријави и ќе завршат на суд.

Досега овие случаи ретко завршуваа на суд, но поради епидемијата на морбили здравствените власти почнаа поажурно да постапуваат. Се организираа и теренско вакцинирање по училиштата, а родителите кои не сакаа нивното дете да прими вакцини мораа да потпишат изјава.