Началник на “Блаце” снимен како зема мито од 120 евра

Телевизија Клан синоќа во емисијата „Стоп“ објави видео на кое се гледа како раководител на смена на граничниот премин Блаце, зема 120 евра од државјани на Албанија кои ја минуваат границата.

По објавеното видео од МВР велаат дека постапува Внатрешна контрола.

-Одделот за внатрешна контрола во координација со надлежното обвинителство уште од ноќеска интензивно работи на расчистување и санкционирање на случај со земање на мито од страна на полициски службеници на Граничниот премин Блаце. По расчистување на случајот и санкционирање на сторителите, соодветно ќе ја информираме јавноста, велат од МВР.