На терен се над 100 лица и го контролираат пожарот над Битола

Екипите на ТППЕ Битола, како во текот на ноќта, така и утрово продолжуваат да работат на целосно ставање под контрола на пожарот над Битола.

Од Општина Битола утрово информираа дека заедно со екипите на јавните претпријатија во моментот на терен се над 100 лица, за кои се обезбедени доволни количини на храна и вода.

– Паралелно се одржува комуникација со центарот за управување со кризи од каде е најавена поддршка од воздух во гаснењето на пожарот – соопштија од Општината.

Испратија голема благодарност до сите храбри пилоти кои се борат против огнената стихија. Посебна благодарност до Република Туркије за испратената помош од два ер трактори и еден хеликоптер „Блек Хок”.