На ГП „Богородица“ утринава се чека и по еден час за излез од земјава

На граничниот премин „Богородица“ утринава голем број возила се упатиле кон соседна Грција.

Според информациите, на овој граничен премин за излез од Македонија се чека и по еден час.

Пред нас е продолжен пролетен викенд. Денеска во земјава е неработен ден за сите граѓани. Се одбележува 1-ви Мај, меѓународниот ден на трудот.

Потоа следи Велики Петок, неработен ден и во недела големиот христијански празник Велигден.

Од АМСМ утрово информираат дека интензитетот на сообраќај на патните правци надвор од градските средини е умерен.

На граничните премини, од македонска страна, нема подолги задржувања за влез и излез од државата.