На 89-годишна возраст денеска во Белград почина Латинка Перовиќ, југословенска историчарка и политичарка,
На само 27 години таа беше претседателка на Антифашистичкиот женски фронт на Србија (АФЖ). Работела како секретар на Сојузот на комунистите на Србија од 1968 до 1972 година. Таа важеше за највлијателната жена во земјата во тоа време и единствената која не ја доби својата позиција поради брак со помоќен сопруг туку врз основа на нејзината интелигенција, способност и амбиција. Во 1972 година, престедателот на тогашна СФРЈ Јосип Броз Тито ја отпуштил од функцијата секретар поради страв дека нејзините верувања се премногу либерални.
Латинка Перовиќ после тоа не се врати во политиката. Таа се посвети на историските истражувања и стана позната како експерт за српската историја од 19 век, како и за српската модерна историја.
Од 1976 до 1998 година работи во Институтот за понова историја на Србија. Во своите текстови и студии за модерна Србија, тој често нагласува дека на Србија и е потребен „политичар кој јавно ќе ја преземе одговорноста за злосторствата извршени во поранешна Југославија за да помогне во помирувањето со соседните земји и да спречи повторување на слична трагедија“.