Судењето за случајот „Рекет“ е закажано за 3 декември, кога на обвинителна клупа ќе седнат обвинетите Катица Jанева, Бојан Јовановски и Зоран Милевски Кичеец.
-Заради интерес на медиумите кои ја следат работата на судот, ја информираме јавноста дека предметот со КОК бр. 116/19 против Б.Ј., К.Ј. и З.М. согласно АКМИС – електронскиот систем е распределен кај судечки совет со кој претседава судија Васка Николовска – Масевска.
Главната расправа по предметот е насрочена за 03.12.2019 година во 10:00 часот за што се доставени и покани до странките, информираат од Кривичниот суд.
Судијката Николовска- Масевска беше дел од тројката судии кои ги одбија жалбите на осомничените во случајот „Империја“, односно не им дозволија на Сашо Мијалков и Орце Камчев да излезат од притвор.