МЗТ Скопје по четири години повторно ќе игра во АБА лигата

Кошаркарите на МЗТ Скопје по пауза од четири години повторно ќе играат во АБА лигата откако вечерва во второто полуфинале на завршниот турнир во АБА2 лигата со 75:71 го совладаа Широки.

Кoшаркарите на овој клуб пласманот во АБА лигата го обезбедија поради победата на Златибор во првото полуфинале. Имено, според пропозициите на Јадранската лига, не е дозволено да играат шест екипи од една земја и поради тоа српскиот тим Златибор ќе мора да игра два баражи за да обезбеди пласман во АБА лигата.

Тие ќе мора прво да играат бараж двомеч со Сплит, а потоа и со најслабопласираниот српски тим во АБА лигата. МЗТ Скопје последен пат во АБА лигата настапуваше во сезоната 2017/2018.