МВР реагира: Зошто Центар објави дека имаме докази против крадците?

Министерството за внатрешни работи не сака да навлегува во мотивите заради кои општина Центар одлучи да ги предупреди осмоничените дека е можно да се обезбедени докази против нив, реагираше денеска полицијата на соопштението на Општина Центар во врска со грабежот во просториите на локалната самоуправа.

– Сакаме да предупредиме дека секое изнесување на какви било детали од преземените мерки и наштетува на истрагата. Дали се обезбедени отпечатоци или какви било други докази, се податоци кои е несериозно да се објавуваат во тек на истрагата. МВР апелира институциите да се држат во рамки на своите ингеренции – реагира министерството со кое раководи Гордана Јанкулоска.