МТСП: 11-годишното дете со церебрална парализа кое го напуштиле родителите сместено во мал групен дом

За единаесетгодишно дете со церебрална парализа, кое го напуштиле двајцата родители и го оставиле со човек кој ниту знае како да се грижи за детето, ниту пак знае каква терапија тоа прима, Министерството за труд и социјална политика обезбедило грижа и сместување во мал групен дом.

-Министерството за труд и социјална политика информира дека стручните служби и Меѓуопштинскиот центар за социјална работа во Охрид постапуваат во врска со случајот на 11-годишното дете со церебрална парализа. За детето е обезбедена соодветна грижа и сместување во мал групен дом, се вели во соопштението од МТСП.