Мотоциклист тешко повреден кај ГП Блаце

Вчера попладне, мотоциклист од Струга бил тешко повреден кај ГП Блаце, при што бил хоспитализиран во скопските клиники.

„Кај бензинската пумпа на магистралниот пат Скопје – Граничен премин „Блаце“, вчера во 17:50 часот се случила сообраќајна незгода помеѓу патничко моторно возило „мерцедес“ со косовски национални ознаки, управувано од Х.С.(59) од Р.Косово и мотоцикл „хонда“ со струшки регистарски ознаки, управуван од А.Б.(39) од Струга. По незгодата А.Б. бил пренесен во Комплекс клиники „Мајка Тереза“ каде од доктор му биле констатирани тешки телесни повреди. Извршен е увид на местото на настанот“, велат од МВР.