Мотоциклист полесно повреден откако автомобил му го пресекол патот во Велес

Во населбата Тунел во Велес синоќа во собраќајка со полесни повреди се здоби мотоциклист откако автомобил му го пресекол патот.

Како што информира за МИА, Весна Неделковска Николова портпарол на ЈЗУ Општа болница Велес, повредениот со возило на итна помош во Хирушката амбуланта на Општа болница  бил донесен во 20:25 часот. Тој  бил со полесни површински повреди и по укажаната медицинска помош бил пуштен на домашно лекување.

СВР Велес извршила увид на местото на настанот.