МОН: Скопските училишта до Нова година да ги надоместат изгубените часови поради дојавите за бомби

Директорите на скопските средни училишта се должни до крајот на првото полугодие да најдат начин да ги надоместат часовите што беа изгубени поради дојавите за поставени бомби во школските објекти, категорични се од Министерството за образование и наука, објави Слободен печат.

Како што додаваат од Министерство за образование, тие нема да дадат насоки како да се надоместат изгубените часови, туку тоа ќе го стори секое училиште посебно, во зависност од тоа колку часови изгубило.