Модриќ стана најтрофејниот играч во историјата на Реал Мадрид

Лука Модриќ, кој стана капитен на Реал Мадрид по победата од 2:0 против италијанска Аталанта, стана најтрофејниот фудбалер во историјата на мадридскиот клуб.

Синоќешниот трофеј беше 27. за Модриќ освоен во редовите на Реал. Тој влезе во игра во 75. минута, веднаш ја стави капитенската лента околу раката и мирно го приведе натпреварот со соиграчите.

Но, најголемиот играч во историјата на хрватскиот фудбал е првиот играч кој некогаш го освоил петтиот Суперкуп на УЕФА.

Модриќ, добитникот на Златната топка во 2018 година, одигра 535 натпревари за Реал, постигна 39 и асистираше при 86 гола.

Меѓу неговите поистакнати трофеи се шест победи во Лигата на шампионите (рекорд што го дели со Дани Карвахал) и четири титули во Ла Лига.