МНР прогласи дипломат на амбасадата на Русија за непожелна личност, наложи и да биде протеран

Министерството за надворешни работи информира дека донеле одлука еден дипломат на амбасадата на Русија да го прогласат за непожелна личност и да го протераат од државата.

-Министерството за надворешни работи, согласно член 9 од виенската конвенција за дипломатски односи, одлучи да прогласи еден дипломат на Амбасадата на Руската Федерација за непожелна личност во Република Северна Македонија.
Во оваа насока, на 14 мај 2021 година, во просториите на Министерството за надворешни работи беше повикан Амбасадорот на Руската федерација, при што беше врачена нота со која се наложува на посочениот дипломат да ја напушти територијата на Северна Македонија во рок од седум дена, информираат од МНР.