Многу студено утро со температури до минус 18 степени

Времето денеска ќе биде претежно сончево време со мала до умерена локална облачност. Минималните температури во земјава денеска ќе се спуштат и до -18 Целзиусови степени, а максималните ќе се искачат до 5 степени, соопшти УХМР.

Во Скопје денеска ќе биде претежно сончево со мала облачност, но студено. Температурите во главниот град ќе се движат од минимални -13 до максимални 3 степени.

УХМР прогнозира стабилно време до средината на неделава со ниски утрински температури кои некаде ќе достигнат и под -15 степени. Најстудено ќе биде денеска и утре, а од четврток се очекува пораст на температурите.