Млади скопјани се тешко повредени на автопатот Гостивар – Тетово, се превртеле со возилото

Возач и сопатничка се повредени во сообраќајна незгода што се случи денеска околу 14 часот на обиколницата за Тетово. Возилото излетало од патот и се превртело.

– Во 14.05 часот во СВР Тетово било пријавено дека на автопатот Гостивар-Тетово, во близина на надвозникот за тетовска Брвеница, патничко возило „Сеат леон“ со скопски регистарски ознаки, управувано од В.М.(22) од Скопје, излетало од коловозот. Во несреќата со тешки телесни повреди се здобила сопатничката Ј.П.(22) од Скопје, додека возачот се здобил со телесни повреди, констатирани во Клиничка болница Тетово – информираше Фатмир Реџепи, портпарол на СВР Тетово.

Увид на местото извршила екипа од СВР Тетово.