34
Претседателот на ВМРО-ДПМНЕ, Христијан Мицкоски на новинарско прашање за неговите очекувања по денешното распишување на изборите кое се очекува да се случи некаде околу 17 часот, рече дека на парламентарните избори очекува историска победа на коалицијата предводена од ВМРО-ДПМНЕ со освојување на повеќе од 61 пратеник, додека на претседателските, исто така, да победи кандидатот кој што биде поддржан од ВМРО-ДПМНЕ и коалицијата.
„Очекувам историска победа на коалицијата предводена од ВМРО-ДПМНЕ, од повеќе од 61 пратеник и очекувам идниот претседател да биде кандидатот кој што ќе поддржи ВМРО-ДПМНЕ и коалицијата“, рече Мицкоски.