Политичките манипуланти, владата на ДУИ поддржана од СДСМ не ја говори вистината кога вели дека инфлацијата и високите цени на основните прехрамбени производи се увезени.
Ова го истакна преку социјалните мрежи првиот човек на опозициската партија, ВМРО-ДПМНЕ, Христијан Мицкоски.
„Имено, трошоците за живот во јануари 2023 година споредено со јануари 2022 година се зголемени за 17,1%, а цените на храната и безалкохолните пијалоци за истиот период се повисоки за цели 25,1%, според државниот завод за статистика.
Само за споредба, според EUROSTAT, во еврозоната инфлацијата во јануари 2023 година споредено со јануари 2022 година се очекува да биде 8,5%, двојно помалку од таа во Македонија.
Имаме план, знаеме како да се справиме со предизвикот. Потребни се избори за да може Македонија да тргне напред“, додава тој.