Мицкоски: На Филипче му посакувам успешна работа, нема да се мешаме во внатрешните работи на СДСМ

Лидерот на ВМРО-ДПМНЕ Христијан Мицкоски ги коментираше изборите за нов претседател во СДСМ, по кои Венко Филипче ја доби довербата од членството.

„Тоа е работа на СДСМ, на членството, ние рековме дека нема да се мешаме. Не сакаме тоа да им го правиме, што не сакаме нам да ни го прават. На господинот Филипче му посакувам успешна работа, да работи во интерес на граѓаните. Јас во моето експозе во парламентот, кажав дека кога станува збор за интересите на Македонија подавам рака. Членството на СДСМ така одлучило, и нам ни останува да им го честитаме изборот“ – рече Мицкоски.