Мицкоски кон Заев: И Квислинг имал став како вас, но бил запишан на темната страна на историјата

Премиерот Зоран Заев во неколку наврати го повика на тв-дуел лидерот на опозициската ВМРО-ДПМНЕ. На тоа одговори и Мицкоски, и според него ќе се покаже дека Заев нема став, кичма и морал.

„И Квислинг имал став како вас, но бил запишан на темната страна на историјата. Поважно е каков е ставот. А кога сме кај стравот, зошто господине Заев страв од дуел, ако веќе имате став? Ајде на дуел да ги спротивставиме аргументите и да види народот како изгледате кога всушност немате став, ниту кичма и морал. И да видите што е вистински став. Римата е забавна, иако гледам имате време за тоа, но овде се работи за Македонија, нашата историја и иднина“, посочи Мицкоски.