Мицкоски чувствува гадење од коментарот на Заев

Претседателот на ВМРО-ДПМНЕ, Христијан Мицкоски, во врска со денешната изјава на Зоран Заев дека не планира да дава оставка по трагедијата во Тетово, рече дека чуствува гадење.

-Кога човек ќе се поистовети со функцијата и кога себеси ќе се интерпретира како функцијата –тоа сум јас, во услови кога невини човечки животи згаснаа е тажно и е жално. Доколку тој човек не чувствува никаква морална одговорност и тоа се обиде да го интерпретира дека ако тој заминел, Мицкоски ќе бил премиер, тогаш освен она благо чувство на гадење кое во овој момент го имам, друго немам ништо да кажам, рече Мицкоски за изјавата на Заев денеска.