Мицевски: Поднесовме барање за јавна расправа во Собранието за законски измени и зајакнување на безбедноста во сообраќајот

Пратеникот и член на ИК на ВМРО-ДПМНЕ, Никола Мицевски преку социјалните мрежи информираше дека пратеничките групи на ВМРО-ДПМНЕ, ВЛЕН и ЗНАМ поднеле барање за одржување јавна расправа со цел анализи и утврдување на потреба од изменување на законските прописи, за да се зголеми безбедноста на граѓаните.

„Денес како пратенички групи на ВМРО-ДПМНЕ, ВЛЕН и ЗНАМ, поднесовме барање за одржување на јавна расправа со цел анализи и утврдување на потреба од изменување на законските прописи, а со цел зголемување на безбедноста на граѓаните. Очекуваме поддршка од сите пратеници во Собранието и да ги надминеме системските проблемите со кои се соочуваме изминатите години“, стои во Фејсбук објавата на Мицевски.