Митрески: Спасовски е единствениот министер кој не потрошил ниту еден денар од службената картичка

Пратеникот на владејачката СДСМ, Јован Митрески, во синоќешното гостување на „Отворено“ на Алфа, застана во одбрана на работата на министерот за внатрешни работи, Оливер Спасовски.

„Не е набавен мебел за кабинетот на министерот. Тој е единствениот министер, и во минатото и денес, кој не потрошил ниту еден денар од службената картичка, кој го користи својот приватен телефон. Тој работи чесно и домаќински, како што треба да работи секој министер“, истакна Митрески.