Пратеникот од НСДП Горан Мисовски, на денешната седница за уставни измени, истакна дека постојат две можни сценарија – прифаќање на договорот од Преспа, што, според него, ќе овозможи влез во ЕУ и НАТО со гарантиран идентитет, или, пак, предвремени парламентарни избори.
-Анкетите ги имате и вие и и ние и знаете дека коалицијата на СДСМ ќе победи на тие избори. Ама желбата на Мицковски е да ве замени вас и да постави во пратеничката група негови колеги и пријатели – рече Мисовски, реплицирајќу му на Илија Димовски од ВМРО-ДПМНЕ.
Тој порача дека повикот на лидерот на ВМРО-ДПМНЕ Христијан Мицковски претставува квазипатриотизам и повик, како што рече, дека треба да јадеме корења.
– Јас не го сакам тоа, тук сакам да ја видам Македонија во друштво на најразвиените и најбогатите држави – истакна пратеникот од НСДП.