Мислеле дека го закопале, а тој се вратил жив од болница

Словенечка болница од Целје направила грешка со промена на идентитетот на двајца пациенти, од кои едниот бил починат, а другиот жив.

Семејството на едниот пациент кое добило тело од починат човек, веќе го направило и погребот мислејќи дека го закопуваат нивниот роднина.

Но, по неколку дена тој се вратил жив до домот за стари лица кадешто престојувал.

Министерот за здравство Бешич Лоредан изјави дека ова е прв ваков случај во Словенија. Словенечката полиција отвори истрага, а раководството на болницата понудило оставка.