МИОА апелира: Граѓаните неодложно да инсталираат „СтопКорона“

По зголемениот број на новозаразени со ковид 19, Министерството за информатичко општество уште еднаш ги повика граѓаните неодложно да ја инсталираат апликацијата „СтопКорона“.

-Во услови на разлабавување на рестриктивните мерки СтопКорона е алатка во нашите раце за намалување на ширењето на заразата. Вашата и безбедноста на вашите најблиски е најважна! Апликацијата СтопКорона , брзо и едноставно детектира доколку сте биле изложени на зараза и им дава можност на здравствените власти брзо да реагираат и да го чуваат вашето здравје и здравјето на тие коишто ги сакате. Бидете одговорни за себе и одговорни за сите кои ги сакате! Апликацијата може да ја преземете од следниов линк: http://stop.koronavirus.gov.mk/, соопштуваат од Министерството.