Министерството за здравство одбра компанија за набавка на нова компресорска станица

Министерството за здравство ќе потпише договор со единствената компанија која се пријави на тендерот за замена на компресорската станица за хируршките сали во Клиничкиот центар „Мајка Тереза“.

„Донесена е Одлука за избор на најповолна понуда, со која е избрана понудата на понудувачот Винора ДООЕЛ Скопје. Договорот ќе биде потпишан во наредниот период, согласно законските рокови. Инсталацијата и монтажата на опремата треба да се изврши во рок од 4 (четири) месеци, сметано од денот на склучување на договорот, согласно објавените услови во тендерската документација и објавениот Оглас, информираше Министерството за здравство.

Ова е втор тендер за фирма за компресорската станица, кој што го распиша Министерството за здравство.