Пратеникот од редовите на ВМРО-ДПМНЕ, Антонијо Милошоски утрово и го предаде снимениот разговор на којшто се слуша гласот на поранешниот премиер, Зоран Заев, на обвинителката Вилма Русковска. Милошоски откако ја предаде снимката рече дека кај обвинителката направиле уреден записник.
Со оглед на тоа дека има разлика во изјавата на Заев кој рече дека снимката ја направиле некои пратеници и самиот
-Мое мислење кое што го истакнав, е дека обинителството најдобро би било ако веќе се спремни, Заев да си даде исказ за тоа кој биле во присусто на тој разговор за да можат пристните доколку се утврди нивно присуство да бидат евентуални сведоци на самиот разгвор.Или втората варијанта е да се земат снимки од камерите во Владата, каде што според протоколот влезот и во Владата и во кабинетот на премиерот се под постојан надзор од безбедносни причини и со сигурност ќе може да се утврди кој во текот на мај 2019 година бил на разговор на оваа тема за да може да се потврди вистината на овие наводи кои беа доставени, нагласи Милошоски.
Тој повтори дека се работи за анонимен укажувач и дека не располага со било какви други материјали надвор од оние што ги доставил.
-Сметам дека материјалите се релевантни затоа што беа потврдени и од самиот поранешен премиер Заев, а во разговорите се гледа дека има индиции за пркршување на основното правило при владеењето на правото, а тоа е мешањето на извршната во судската и обвинителска власт, истакна Милошоски.
Самиот тој, како што рече Милошоски, експлицитно кажува дека без Заев не се може, а притоа ги посочива Катица Јанева и Врховниот суд. – Сметам дека тоа се доволни силни индиции за да се почне во најмала рака предистрага а господинот Заев да го каже тоа што смета декат треба да го изјави во овој случај, рече Милошоски.
На новинарско прашање зошто сега, а не порано или подоцна ги објави материјалите, Милошоски одговори дека материјалите што ги добил ги споделил со пратениците, со јавноста и со обвинителството во најбрз можен рок.
– Ниту поседувам нешто дополнително, ниту пак можам да влијаам на анонимен укажувач, кој одбрал начин како со овие материјали да ја запознае јавноста, рече Милошоски и напомена дека материјалите се од висок јавен интерес.
Милошоски завчера на прес-конференција ја објави втората аудиоснимка, во која, како што рече, се слуша гласот на Заев, како тој како премиер донесувал одлуки во име на Врховниот суд и на СЈО и оти бил во дослух со поранешната специјална обвинителка Катица Јанева за сите нејзини одлуки.
Првата „бомба“ Милошоски ја пушти за време на расправата во собраниската Комисија за европски прашања, на која се разгледуваше Предлог-законот за Јавно обвинителство. На снимката, наводно, Заев разговара со друго лице за финансирање на телевизијата на првоосомничениот во случајот „Рекет“, Бојан Јовановски.