Милевски: Со членство во НАТО ќе решиме едно безбедносно прашање, но ризиците се секој ден

Министерот за локална самоуправа Горан Милевски  на меѓународна конференција за иновациите во областа на безбедноста, во рамките на пристапувањето на Македонија во НАТО „Innovative Europe, Security Hackathon“ истакна дека нашата цел не е само зачленување во НАТО, туку и оспособување за справување со безбедносните ризици.

– Вистина ќе решиме едно безбедносно прашање со нашето членство во НАТО, меѓутоа не смееме како држава тука да застанеме и со тоа да бидеме задоволни, бидејќи безбедносните ризици се секој ден. Ние како држава треба да бидеме проактивни, да ги согледуваме проблемите, можните ризици кои ќе следат и да даваме соодветни решенија, посочи Милевски.