Мијалков во куќен притвор на Водно, полицијата ќе му биде „ненадеен гостин“

Поранешниот директор на УБК, Сашо Мијалков ќе биде во домашен притвор на улицата Салвадор Аљенде на Водно. Како што пренесуваат од МВР, ќе му се прават ненајавени проверки.

– Мерката куќен притвор предвидува ненајавена проверка од полициски службеници, со цел да се утврди дали ја почитува лицето на кое му е одредена мерката. До СВР Скопје од Основниот суд Скопје 1 од СЈО нема пристигнато друго решение за преземање на мерки – велат од МВР.

На Мијалков со одлука на судот му е определена мерка куќен притвор во траење од 30 дена сметано од 29.12.2018.