Мијалков и Тачи на суд за договореното гласање по приговори во ДИК

by fokus 08:08
08:08

Ново рочиште за предметот на Специјалното јавно обвинителство „Титаник 2“ денеска треба да се одржи во Кривичниот суд.

Во предметот „Титаник 2“ што се однесува на изборни нерегуларности на локалните избори во 2013 година, обвинети се лидерот на ДПА Мендух Тачи, поранешниот директор на УБК Сашо Мијаков, како и поранешните членови на ДИК Бедредин Ибраими, Анета Стефановска, Влатко Сајковски и Сашо Срцев.

Судијата Огнен Ставрев на минатото рочиште го прифати барањето на одбраната за одложување и ново судење закажа за денеска, со цел да можат да го разгледаат прочистениот текст на обвинението што им го подели обвинителката од СЈО, Фатиме Фетаи. Во прочистениот текст го нема делот за петмината судии од Управен суд, за кој Судот не го прифати обвинителниот акт поднесен од СЈО.

Според „бомбите“ што ги објави СДСМ, а кои се прифатени како докази во судската постапка, Мијалков и Тачи се договарале за гласање на членови на ДИК во однос на поднесени приговори.

Поврзани новости