И во следните неколку денови, нашата територија ќе биде под влијание на стабилна и сува воздушна маса. Времето ќе биде сончево, повремено со мала до умерена локална облачност, ќе дува слаб до умерен ветер од северен правец. Истиот утре и тоа особено Долж Повардарието ќе биде засилен по интензитет.
За време на викендот ќе има повеќе облачност, особено во недела попладне и навечер се очекуваат повремени локални врнежи од дожд, на повисоките планини врнежите ќе бидат од снег.
Овие денови минималните температури речиси насекаде ќе се спуштаат под нулата, понекаде истите ќе се спуштат и до околу -10 степени, особено на повисоките и планинските места и под -10 степени. Максималните дневни пак ќе бележат тенденција на не многу голем пораст и во следните денови ќе се искачуваат во интервалот од 5 до 12 степени.
Подготви: Славчо Попоски