Албанскиот претседател Илир Мета, ги повика Албанците во Македонија да учествуваат на референдумот што ќе се одржи на 30 септември и да гласаат„за“ безбедна европска иднина на земјата.
Пораката Мета ја упати од средбата што во Тирана ја имаше со лидерот на Демократската партија на Албанците во Македонија, Мендух Тачи.
Двајцата соговорници разговарале за состојбата во Македонија и престојниот референдум кој се очекува „да стави крај на проблемите со Грција“.
– Претседателот Мета високо го оцени позитивниот пристап на македонската Влада за сеопфатни реформи и значајниот придонес на албанск3qиот политички фактор во овие процеси кои се од суштинско значење, стои во соопштението од кабинетот на Мета.
Шефот на албанската држава посочил дека албанскиот политички фактор во Македонија имал и има незаменлива улога во процесот на внатрешна социјална и политичка трансформација, како и во интеграцијата на Македонија во евроатланските организации.
– Нагласувајќи ја важноста од брзата европска интеграција и на нашите земји и регионот, претседателот Мета рече дека Македонија е во многу поволен и оптимистички момент по решавањето на спорот со Грција,-се наведува во соопштението.