Како што јавува новинарот на Телеграф.рс од местото на настанот, на терен се видливи траги од запален автомобил.
Во атарот на македонското село Бразда, беше пронајден опожарен автомобил во кој пред една недела беше киднапирана Вања Ѓорчевска. Телото на девојчето било пронајдено закопано во близината.
На терен се видливи трагите од запален автомобил. Фотографиите покажуваат остатоци од подметнат пожар.
До ова место води земјен пат и само малкумина го знаат тоа.
На локалниот пат за село Бразда нема многу сообраќај и на две места има исклучување што води до местото каде што автомобилот бил оставен и опожарен.
Додека осомничените го возеле „цитроенот“ до ова место, преплашената Вања била заклучена во багажникот со врзани раце и нозе во вреќа за спиење.
Како што признале тројцата осомничени за киднапирање и убиство, тие прво ја убиле Вања околу 10 часот, ја закопале, а потоа го запалиле возилото.
Според официјалните информации од истрагата, телото на четиринаесетгодишната Вања Ѓорчевска било закопано во близина на запалениот автомобил, во нивата во селото Бразда, во близина на спортскиот аеродром Стенковец.
Главниот осомничен за нејзиното убиство Љупчо Палевски побегнал од земјава прво во Белград, а потоа во Бугарија и по него била распишана потерница.
