Меркел во посета на Турција за подобрување на соработката

Германската канцеларка Ангела Меркел денеска ќе престојува во работна посета на Турција на покана на турскиот претседател Реџеп Таип Ердоган, пренесува агенцијата Анадолија.

Според соопштението од Одделот за комуникации при турското Претседателство, за време на состаноците во Истанбул ќе се разговара за билатералните односи меѓу Турција и Германија на сите нивоа и за чекорите што може да се преземат за подобрување на соработката.

Покрај билатералните односи, на агендата на разговорите ќе бидат и односите Турција – ЕУ, регионални и меѓународни прашања, особено Либија, Сирија и Авганистан.