Меркел: Стојам на одлуката од 2008 Украина да не биде примена во НАТО

Поранешната германска канцеларка, Ангела Меркел денеска му одговори на украинскиот претседател, Володомир Зеленски кој ја обвини дека поради неа и Никола Саркози Украина не влегла во НАТО во 2008 година.

-Поранешната германска канцеларка д-р Ангела Меркел инсистира на нејзините одлуки во врска со самитот на НАТО во Букурешт во 2008 година, изјави портпаролот на Меркел, а пренесува германската новинска агенција ДПА.

Во изјавата се додава дека поранешната канцеларка целосно ги поддржува напорите на федералната влада и на меѓународната заедница кои стојат на страната на Украина за да се стави крај на варварството извршено од Русија во војната против Украина.