Дмитриј Медведев – заменик-шефот на Советот за безбедност на Русија го коментираше американскиот претседател Џо Бајден, поточно на неговиот говор за состојбата на нацијата.
„Американскиот претседател Џо Бајден не требаше да го спомнува неговиот претходник Френклин Делано Рузвелт, бидејќи тој, за разлика од Рузвелт, само ги срами САД“, објави Медведев на социјалната мрежа „Х“.
„Бајден е срамот на САД“, објави Медведев и додаде дека „иако 32-от американски претседател беше слаб човек во инвалидска количка, тој ја извлече Америка од депресија“.
„За разлика од Рузвелт, Бајден е луд, ментално пореметена личност која е решена да го одвлече човештвото во пеколот. Покрај тоа, Рузвелт се бореше за мир со сојузниците, вклучително и СССР, додека Бајден активно и упорно се обидува да започне Трета светска војна. Рузвелт се бореше против фашистите, а Бајден се бори за нив“, напиша Медведев на „X“.