Францускиот репрезентативец Килијан Мбапе (24) по седум години ќе го напушти тимот на ПСЖ.
Мбапе во ПСЖ дојде од екипата на Монако, првин на позајмица, а потоа тимот од Париз го откупи неговиот договор за 180 милиони евра.
Емирот на Катар, шеикот Тамим бин Хамад Ал Тани, вчера во Доха им поставил ултиматум на претставниците на Мбапе, фудбалерот да го продолжи договорот или да си замине до крајот на месецот.
Доцна синоќа Мбапе одговорил дека не сака да игра за ПСЖ по јуни 2024.
Според француските медиуми, емирот решил летово да го продаде Мбапе.
„Емирот на Катар и Флорентино Перез се договорија за трансферот на Мбапе за 200 милиони евра фиксни и 50 милиони евра бонус“, пишува „ПСЖ комјунити“.
Фабрицио Романо, најреномираниот извор кога се во прашање фудбалските трансфери, доцна синоќа кратко и јасно за Радио Марка објави:
„ПСЖ сега сака да го продаде Мбапе“. Оваа вест стана главна вест во француските и шпанските медиуми.
Мбапе ќе си замине од ПСЖ во Реал по шест години, 260 натпревари, 212 гола и 98 асистенции.