Маж од Неготино хоспитализиран, уште пет нови случаи на Ковид-19 и во Кавадарци

Лице на возраст од 42 години од Неготино е регистрирано како позитивно на корона вирус и поради изразени симптоми е хоспитализирано на Инфективно одделение во велешката болница. Станува збор за пациент кој работел во поголема приватна фабрика во Кавадарци.

Исто така, денес и во Кавадарци се регистрирани пет нови позитивни случаи.

-Новорегистрираните пациенти се на возраст од 29 до 60 години. Сите се тестирале бидејќи имале симптоми. Покрај пациентот од Неготино, исто така хоспитализиран е и еден пациент од Кавадарци на возраст од 60 години- информираат од Центар за јавно здравје Кавадарци.

Се работи на утврдување на нивните контакти.