Матичните лекари ќе штрајкуваат од 5 до 7 септември, нема да издаваат рецепти

Три дена нема да работиме преку Мој термин и нема да издаваме рецепти во периодот од петти до седми септември, велат од Здружението на матични лекари кои бараат Фондот за задравствено осигурување да ја зголеми цената на бодот.

Велат дека амбулантите им се пред колапс и очекуваат итно покачување на капитацискиот бод.

Се работи за опстанок на матичните лекари по севкупното зголемување на цените, особено на струјата и на бензинот. Мора нешто да се смени за да има кој да ги лекува граѓаните, велат од здружението.