Заменикот претседател на Владата задолжен за европски прашања Бојан Маричиќ попладнево се сретна со Маргаритис Шинас, Комесарот за промовирање на европски начин на живеење.
Фокусот на средбата беше на успешното завршување на скрининг процесот за Северна Македонија и следните чекори кои мора да се превземат во однос на спроведување на реформите за успешно реализирање на нашиот евроинтергативен пат.
Поддршката која ја добиваме од нашите стратешки партнери од Европската Комисија е најсилната страна од нашата соработка. Следните чекори кои мора да се превземат се одговорноста за усвојувањето на уставните измени и спроведувањето на реформите за успешно реализирање на евроинтеграцијата.
Комесарот Шинас му честиташе на Вицепремиерот Маричиќ за успешното завршување на скрининг процесот со залагање за понатамошна соработка во реализација на Планот за раст, спроведувањето на реформите со цел реализација на европската агенда за Северна Македонија.