Малолетници запалиле два душеци во спортска сала во основно училиште во Кисела Вода

Вчера попладне, двајца малолетници за малку ќе предизвикале посериозен пожар, откако запалиле два душеци во спортска сала во основно училиште во Кисела Вода.

„На 09.09.2019 во 13.28 часот во Полициската станица Кисела Вода било пријавено дека настанал пожар во малата спортска сала од основно училиште. Екипа од Бригадата за противпожарна заштита излегла на местото, но немало потреба од интервенција, бидејќи  пожарот веќе бил изгаснат. Според пријавеното, на местото биле затекнти двајца 11-годишни малолетници, кои признале дека се обиделе да запалат два душека за вежбање во салата, а потоа со вода го изгаснале огнот. Увид извршила екипа на СВР Скопје. Се преземаат мерки за расчистување на случајот“, информира МВР.