Малолетник од Скопје украл возило во Гостивар, полицијата го уапси

Полициски службеници на СВР Тетово-Одделение за внатрешни работи Гостивар, вчера околу 15 часот и 45 минути на улица „Браќа Ѓиновски“ во Гостивар лишиле од слобода малолетник од Скопје.

Тој се сомничи дека претходниот ден одзел патничко моторно возило „пежо 306“ со гостиварски ознаки, кое било паркирано на улица „Мајор Чеде Филиповски“ во Гостивар.

Возилото било најдено и вратено на сопственикот.

По целосно документирање на случајот против лицето ќе биде изготвен соодветен поднесок.