Со „францускиот предлог„ ние не почнуваме преговори за членство во ЕУ, а ниту ваквите „преговори“ некогаш ќе ги завршиме, вели за Фокус универзитетскиот професор Самоил Малчески.
-Треба владата и нејзините протагонисти да прекинат да нè лажат. Предлогот значи дефинитивно крај на македонското членство во Унијата – истакнува Малчески.
Малчески посочува дека не знае што ветувале и на што се сложиле ДУИ и СДСМ кај пријателите од меѓународната заедница, но, според него, очигледно е дека правеле крчма без крчмар.
-Во услови кога 73 проценти од народот се спротивставува на „францускиот предлог“ по катастрофално загубени локални избори и со премиер кој буквално никој не го познаваше до пред 5 месеци, очигледно е дека Владата нема кредибилитет – вели тој.
В.С.